föstudagur, mars 31, 2006 

Rabbarbara-Barbara Ara bar Ara araba bara rabbarbara

Svín gætu flogið, helvíti frosið og Davíð gæti kosið Samfylkinguna en P gildið á því að annar topp tíu listi líti dagsins ljós er svo nálægt því að vera núll að líkurnar á að gera mistök af gerð 1 eru stjarnfræðilega litlar. En hér, sama hvað Birgir Hrafnkelsson segir, hafiði nýjan topp tíu lista. Fullan af fortíðarþrá frá Snæfellsnesi.

Númer 11: Fyrir nákvæmlega viku síðan tókst mér að binda minn fyrsta bindishnút! Ég var svo stoltur af honum að ég ákvað að mæta með hann í skólann og sína vinum mínum. Ég var með þetta bindi sem stelpurnar gáfu mér í afmælisgjöf síðasta sumar. Takk fyrir bindið.
Númer 10: Þetta er upprunalega útgáfan af myndinni sem ég gerði svarthvíta og setti á bloggsíðuna um daginn. Einhvern veginn virkar hún miklu betur svarthvít.
Númer 9: Djúpt hugsi.
Númer 8: Skemmtilegi svipurinn hans...
Númer 7: **ssi að virða fyrir sér fegurðina.
Númer 6: Takið eftir því hvað skyrtan er í stíl við þetta sem hangir á veggnum.
Númer 5: Eldhúsið var jafnframt dansgólfið. Jóhanna að skoppa.
Númer 4: Svenni vann víst á sólbaðsstofunni Smart þetta sumar.
Númer 3: Ótrúlega flott "pósa".
Númer 2: Fáir vitu hvað gerðist niðri við rabbarbara garðinn.
Númer 1: Tvímælalaust flottasta mynd sem tekin hefur verið á myndavélina hennar Salvarar.

En jæja ég er farinn á KS með strákunum. Það er að segja ef þeir gleymdu mér ekki og eru farnir á undan mér.

Skrifað af Jóni Emil -


fimmtudagur, mars 30, 2006 

Skoraðirðu þrjú sjálfsmörk?

Ef þið leitið vel í hliðardálkum íþróttablaðs Málgagnsins finnið þið minnispunkt. Þar kemur fram að lið Gróttu hafi tapað leik sínum við Sindra vegna þess að það tefldi fram tvemur ólöglegum leikmönnumn og var ég annar þeirra.

Skrifað af Jóni Emil -


þriðjudagur, mars 28, 2006 

Ef þú flettir upp orðinu áræðni

í orðabókinni sérðu mynd af litlum dreng með lambúshettu. Þessi drengur gengur í öll húsin í hverfinu mínu einu sinni á viku og biður um flöskur. Þegar hann er spurður hvort að hann sé að safna fyrir eitthver íþróttafélag svarar hann: "Nei, ég er að safna mér svo ég geti farið til útlanda."

Skrifað af Jóni Emil -


mánudagur, mars 27, 2006 

What are the odds?

Hvað myndum við gera ef grasið væri blátt og himinninn grænn?


En ef Salvör væri blá?


Um helgina lenti ég í þeirri svakalegu lífsreynslu að vera í búningsklefa með kannski 20 manns og tveir þeirra áttu sama afmælisdag og ég. Ef þið mættuð giska á líkurnar á því hvað mynduði segja?

u.þ.b. 0,01%
u.þ.b. 0,1%
u.þ.b. 1%

Skrifað af Jóni Emil -


fimmtudagur, mars 23, 2006 

Heilda eða hörfa?

Sá sem getur reiknað þetta heildi fær Kók og Prins að launum. Honum verður jafnframt hampað sem meistara hagnýtrar heildunnar.


Skrifað af Jóni Emil -


miðvikudagur, mars 22, 2006 

-3 + vindur = -10

Sól, sól skín á mig
Ský, ský burt með þig
Gott væri að geta botnað nú


Fátt er eins þægilegt og að fara í heita sturtu eftir ísjökulkalda fótboltaæfingu. Skella sér síðan undir sængur og horfa á eitthvað skemmtilegt. Þessa dagana er ég að lesa skólabækur og ekkert annað. "Heimsbókmenntirnar" verða því að bíða þangað til í sumar þegar maður hefur nógan tíma til að gera það sem maður vill. Breyting verður á frá síðustu fjórum sumrum, en ég mun ekki vinna 5x 8-7, 9-6, 10-5 hjá timbursölu Byko á Hringbraut. Ónei, þess í stað mun ég vinna 5x 8-4 hjá Einkaleyfisstofunni.

Skrifað af Jóni Emil -


mánudagur, mars 20, 2006 

Sjálfur trúi ég á Herbalife

Rakst á link um "vísindatrú" eða scitentology (TM). Kíkti á aðalsíðuna og fletti í gegnum nokkrar glærur sem áttu að útskýra um hvað "vísindatrú" snýst. Ég fann meðal annars þetta:

---------------------------------------------------

The word Scientology literally means "the study of truth." It comes from the Latin word "scio" meaning "knowing in the fullest sense of the word" and the Greek word "logos" meaning "study of."

Man is an immortal, spiritual being. His experience extends well beyond a single lifetime. His capabilities are unlimited, even if not presently realized — and those capabilities can be realized. He is able to not only solve his own problems, accomplish his goals and gain lasting happiness, but also achieve new, higher states of awareness and ability.

Man consists of three parts. The first of these is the spririt, called in Scientology the thetan (from the Greek letter theta, meaning "thought" or "spirit"), which is the individual himself.

The second of these parts is the mind. The thetan uses his mind as a communication and control system between himself and his environment.

The third of these parts is the body. The body is not the person.

The most important of the three parts of man is the thetan, which is the spirit, or you.

The basic command followed by all life, "Survive!" is subdivided into eight dynamics (dynamic meaning urge, drive or impulse). All activities in one's varied life can be inspected, understood and harmonized with all others to increase survival.

8th Dynamic INFINITY, also commonly called God, the Supreme Being or Creator.

7th Dynamic SPIRITUAL dynamic — anything spiritual with or without identity, life source.

6th Dynamic PHYSICAL UNIVERSE with its four components of matter, energy, space and time.

5th Dynamic LIFE FORMS including all plant and animal life.

4th Dynamic MANKIND as a species.

3rd Dynamic GROUP SURVIVAL whether friends, a club, company, nation or race.

2nd Dynamic FAMILY and children and all other creativity.

1st Dynamic SELF — the individual, including his body, mind and immediate possessions.

Through Scientology, a person realizes that his life and influence extend far beyond himself. By understanding each of these dynamics and their relationship, one to the other, he is able to do so, and thus increase survival on all of these dynamics.

A principle of considerable importance in Scientology, and one that greatly assists interpersonal relationships, is that of affinity, reality and communication. The three form an interdependent triangle and add up to understanding.

The Tone Scale is a tool used in everyday life to understand what is occurring with individuals and how best to communicate with them. One can find himself or any individual on the Tone Scale and thus know how, using Scientology, he may best be moved up to the higher tones — and thus increased competence, self-esteem, honesty, well-being, happiness and other desirable attributes.

40.0 Serenity of Beingness
30.0 Postulates
22.0 Games
20.0 Action
8.0 Exhilaration
6.0 Aesthetics
4.0 Enthusiasm
3.5 Cheerfulness
3.3 Strong Interest
3.0 Conservatism
2.9 Mild Interest
2.8 Contented
2.6 Disinterested
2.5 Boredom
2.4 Monotony
2.0 Antagonism
1.9 Hostility
1.8 Pain
1.5 Anger
1.4 Hate
1.3 Resentment
1.2 No Sympathy
1.15 Unexpressed Resentment
1.1 Covert Hostility
1.02 Anxiety
1.0 Fear
0.98 Despair
0.96 Terror
0.94 Numb
0.9 Sympathy
0.8 Propitiation
0.5 Grief
0.375 Making Amends
0.3 Undeserving
0.2 Self-Abasement
0.1 Victim
0.07 Hopeless
0.05 Apathy
0.03 Useless
0.01 Dying
0.0 Body Death

---------------------------------------------------

Ég er eiginlega bara orðlaus!
Kíkið á heimasíðuna hjá þeim ef þið viljið "fræðast" meira um þetta: http://www.scientology.org/
Eða þið getið prófað: http://en.wikipedia.org/wiki/Scientology

Skrifað af Jóni Emil -


sunnudagur, mars 19, 2006 

Myndir af árshátíð eru hérna http://www.hi.is/~jeg1/arshatid.htm

Skrifað af Jóni Emil -


miðvikudagur, mars 15, 2006 

Myndir

Hérna hafiði myndir frá árshátíð fótboltans. Myndirnar voru teknar á vélina hennar Salvarar. Því miður enginn ádíó fæll.

http://www.hi.is/~jeg1/althingi.htm

hmm, já á árshátíðinni var kosið um nokkra hluti. Úrslitin voru svona ef ég man rétt:

Mestu framfarir: Sigþór Bessi
Flottasta markið: Ásgeir
Klaufalegasta atvikið: Ásgeir
Besti markvörðurinn: Sigurjón
"Flottasta" tæklingin: Sveinn Friðrik
Mesti einspilarinn: Aron Axel
Mesti Rósantinn: Rósant Ísak

Síðan voru einhver tilnefndir fyrir fyndnustu handahreyfingarnar og pungklór.

Skrifað af Jóni Emil -


þriðjudagur, mars 14, 2006 

"En allir aðrir mega það!"

Að öllum líkindum fjölluðu stærstu rifrildin sem ég átti við foreldra mína sem krakki um útivistartímann. Núna rétt í þessu fór allt á háa c hérna heima. Álfheiður Erla rauk grátandi upp frá matarborðinu og hrinti stólum á leið sinni upp í herbergi. Deiluefnið var útivistartíminn. Álfheiður heldur því nefnilega fram að allar vinkonur hennar fái að vera úti til 10 á meðan mamma leyfir henni aðeins að vera úti til klukkan 8. Útivistarreglurnar virðast vera sammála mömmu en ég finn engu að síður til með Álfheiði enda þurfti ég að ganga í gegnum það sama á sínum tíma. Mér fannst alltaf eins og ég ætti ströngustu foreldra í heimi þegar ég var að alast upp. Ef einhverjir lesendur þessara bloggsíðu eru 12 að verða 13 þá mega þeir segja mér hvernig reglurnar eru heima hjá sér. Þá get ég kannski farið og sagt Álfheiði að hún sé ekki sú eini sem þarf að húka inni á kvöldin þangað til í maí.

Skrifað af Jóni Emil -


sunnudagur, mars 12, 2006 

Et tu, Guðjón?

Ég minnist þess að hafa kvartað undan áhyggjunum sem hlaðast á mann er maður eldist. Maður þarf allt í einu að geta svarað hinni klassísku spurningu, hvað ætlarðu að verða þegar þú ert orðinn stór?, og virkilega standa við það, lifa með því og gjalda fyrir það o.s.frv.o.frv. Annar fylgikvilli eða hugsanlega fylgikostur er sá að fólk verður pólítískt þenkjandi. Það sást kannski ágætlega í mínu tilfelli þegar ég var að tala um þróun í orkuiðnaði hérlendis. Sem er að sjálfsögðu hápólítískt umræðuefni. Í gær varð ég vitni að funheitum hápólítískum umræðum um stóriðjuna og framtíð hinna minni sveitarfélaga. Ég blandaði mér ekki í umræðurnar enda er ég búinn að vera frekar heilsulítill undanfarna daga og ekki rauststerkur, hvað þá hrauststerkur. Þvert á móti þá flúði ég af vettvangi því ég var hræddur um að þetta fallega teiti myndi umbreytast í Alþingi með tilheyrandi stimbingum og látum. Á undanhaldi mínu ákvað ég þó að taka upp eins og einn audio file (lesist: ádíó fæl, sbr. Lýður Oddson) af “umræðunum” á símann minn. Ég er að vinna í því að koma þessu skjali af símanum, á tölvuna mína og þaðan á netið, nánar tiltekið þessa bloggsíðu.

Annars langar mig til að mæla eindregið með þáttunum Top Gear á Skjá einum. Hann fjallar um bíla en ekki á þennan grófa mótor-sport-kennda hátt sem við höfum kannski átt að venjast. Þættirnir eru breskir og búa þar af leiðandi yfir ákveðnum sjarma. Það má segja að Top Gear sé bílaþáttur eins og Frasier er grínþáttur. Annar þáttur sem mér finnst líka mjög skemmtilegur er Boston Legal. Hann virðist yfirborðskenndur í fyrstu en ef maður setur sig dáldið inn í hann þá eygir maður ákveðina ádeilu á ameríska áhrifamenn. James Spader og William Shatner eru líka ótrúlega skemmtilegir í þessum hlutverkum.

Sá sem veit hver það var sem sagði þetta er sniðugur: “Vertu viss um að þú sért gáfaðasti maðurinn í herberginu ef þú ætlar að segja eitthvað.”

Ég biðst afsökunar á hinum fjölmörgu “íslenskuvillum” í textanum.

Skrifað af Jóni Emil -


föstudagur, mars 10, 2006 

Afsakið Hlé

Einhver skortur hefur verið á færslum á þessari síðu undanfarna daga. Sko, fyrst var ég á fullu í að gera verkbók og hafði engan tíma fyrir annað. Síðan er ég búinn að vera veikur síðustu daga og hef því verið álíka hugmyndaríkur og ljósmyndari Morgunblaðsins sem tók mynd af fiðluballinu í gær. Mikið ótrúlega finnst mér þetta slöpp mynd, no offense. En já þannig að undanfarna daga hef ég gert lítið annað en að snýta mér, briðja Strepsils og Lemsip og horfa á nýja þætti af the O.C.

Ætti að vera orðinn góður eftir helgi

Bless í bili,

Skrifað af Jóni Emil -


laugardagur, mars 04, 2006 

Gærdagurinn var afar vel heppnaður. Sérstaklega þótti mér ferð okkar Ásgeirs, Bessa og Svenna til Hveragerðis á verkfræðiárshátíð skemmtileg. En já, ég leyfi bara myndunum að tala.






Þeir sem nenntu að skoða þetta mega líta á http://www.hi.is/~jeg1/fostudagur.htm

Skrifað af Jóni Emil -


fimmtudagur, mars 02, 2006 

Bla bla bla myndi einhver segja

Mig langar aðeins til að tala um stóriðjuveikina sem dreifist nú á milli landsmanna eins og H5N1 veiran í evrópskum fuglum. Nú eru ríkið og Alcoa búin að skrifa undir samning sem segir að Bakki (svæði rétt fyrir norðan Húsavík) verði kannaður sem hugsanlegur álverksmiðjureitur. Við þessar fréttar kættust margir Húsvíkingar, en að sjálfsögðu sjást ýmis atvinnutækifæri í þessum fyrirhuguðu framkvæmdum. Ég skil vel að fólk á Norðurlandi skuli sjá margt jákvætt í þessum fréttum og telji þær hið besta mál. Það sem ég skil ekki er hugmyndaleysi og heygulsháttur íslenskra stjórnvalda. Eins og ég sé þetta, þá eru ráðamenn einfaldlega að notfæra sér einfaldar leiðir til að hala inn atkvæðum á landsbyggðinni. Þeir eru ánægðir með það sem er að gerast fyrir austan og því hlýtur að vera sniðugt að skella eins og einu álveri fyrir norðan líka. Einhver sagði að maður skyldi ekki leggja öll eggin sín í eina körfu og mér finnst dáldið eins og menn séu að gleyma þessu. Hvað gerist nú ef J. K. Stomson finnur upp nýja og ódýra málmblöndu sem gerir allt sem ál gerir en bara betur. Þá held ég að við Íslendingar myndum pissa í buxurnar. Athugið að ég er ekki að segja að ef samfylkingin væri við völd væri þetta öðruvísi. Persónulega grunar mig að eini flokkurinn sem hefði kjark til að leita annarra leiða við að glæða atvinnulíf íslensku landsbyggðarinnar séu Vinstri Grænir. En hver veit, kannski á þetta eftir að vera hið besta mál fyrir íslenskt atvinnulíf næstu áratugi.
Þetta hugmyndaleysi kemur nú svo sem ekkert alvarlega á óvart. Mér finnst bara leiðinlegt að sjá hve íslensk náttúra á eftir að breytast mikið ef þessi þróun heldur áfram. Nú eru menn að tala um að það gæti þurft fjórar jarðvarmavirkjanir á svæðinu fyrir norðan Mývatn til að sjá þessu fyrirhugaða álveri fyrir orku (Kröfluvirkjun innifalin). Það þyrfti þá líklega að tengja þessar virkjanir allar saman með tilheyrandi leiðslum og háspennulínum. Það finnst mér ljótt. Ég er ekki á móti því að Íslendingar nýti sér þær náttúruauðlindir sem við höfum, nefnilega endurnýtanlega orku, en mér finnst að við verðum að fara varlega í þessum framkvæmdum og gæta hófs. Við eigum að halda áfram því sem mér hefur fundist við vera að gera svo rosalega vel, þ.e. að vera áhugavert og heillandi land, eða bara í einu orði töff. Halda áfram að efla ferðamannaiðnaðinn, í því felst náttúrulega að við verðum að láta hvalveiðar eiga sig því eins og við vitum þá er mikið um að fáfróðir og ótöff ferðamenn líti hvalveiðar hornauga. Æji ég er hættur í bili, þarf að fara á æfingu.

Skrifað af Jóni Emil -