INNI:

"Strákar í þröngum gallabuxum Elsku strákar, þrönga gallabuxnatískan er ekki bara fyrir stelpur. Farið nú út í búð og fáið ykkur þröngar gallabuxur, helst dökkar og jafnvel svartar. Þetta tryggir óskaplega töff rokk-lúkk. Converse-skór við og lúkkið er fullkomnað." - Fréttablaðið

sjensinn bensinn

Jæja enn önnur helgin gengin í garð. Tvö tvítugsafmæli í gær og vísindaferð í Þokkabót. Í þetta skipti voru það kennararnir sem kenndu okkur að diffra eins og þeim einum er lagið. Reyndar minntust þeir ekkert á tegrun en þeir eru hvort eð er hástigsmargliður sem mega alveg við því lækka um eitt stig annað veifið. Þar sem Kári var í burtu í band camp sáum við okkur ekki annað fært en að fá hann Bjössa sem staðgengil. Pabbi hans Bjössa keyrði okkur úr vísindaferðinni í afmælið hjá Bergrúnu og Kitty þar sem við vorum fyrstir á vettvang. Það var þá sem að hann spurði Svenna hvort það hefði ekki verið næs að vinna í kirkjugörðunum. Mér fannst það ótrúlega fyndið. Upp úr tíu voru sumir orðnir óþreyjufullir því að þeir vildu komast í hitt afmælið. Endaði með því að við tókum leigubíl frá Árbænum yfir í Hafnarfjörðinn þar sem við hittum afmælisbarnið Sóleyju og stelpurnar. Það var frábært.

Mikilvægari hlutir: Fyrir einhverju síðan sagði ég að Rebecca væri sigurstranglegust af stelpunum í ANTM. Mikið hefur gerst síðan þá og vil ég því breyta spá minni. Þær sem mér finnst vera sigurstranglegastar eru Tatiana og Naíma, sérstaklega Naíma. Síðasti þáttur af O.C. var ótrúlega skemmtilegur. Sérstaklega lokin og ekki skemmdi fyrir að lagið sem hljómaði er Seth og Alex voru að kyssast er eftir mjög svo athyglisverða hljómsveit. Er einhver svo snjall að hann getur sagt mér hvað hljómsveitin heitir? Ég skal meira að segja gefa ykkur vísbendingu: Shrek.